Viongozi wa serikali watuhumiwa kwa kuendelea kuwa vinara wa magendo.

 Jeshi la polisi mkoani Tanga limewatuhumu baadhi ya viongozi wa serikali waliopo katika kata ya Kigombe wilayani Muheza kuwa ni miongoni mwa watuhumiwa wanaosaidiana na baadhi ya wafanyabishara kutoka kisiwani Zanzibar kuingiza bidhaa mbalimbali katika bandari bubu ikiwemo mafuta na sukari kutoka nje ya nchi bila kulipiwa ushuru.

Akizungumza na viongozi wa serikali ngazi za kata na wilaya baada ya operesheni maalum iliyofanywa na jeshi hilo kwa kushirikiana na mamlaka husika katika zoezi linaloendeshwa la kudhibiti uingizaji wa bidhaa za magendo, mkuu wa operesheni wa jeshi la polisi mkoani Tanga Lisu Jingi amesema zoezi la kukamata bidhaa za magendo lililofanywa katika eneo hilo limeonesha kua hata wananchi kwa kushirikiana na viongozi wao wanashiriki katika biashara za magendo.

Baadhi ya viongozi wa kata ya Kigombe iliyopo pembeni mwa bahari ya Hindi wakijibu hoja hiyo wamesema awali ameishauri serikali mkoa wa Tanga kurasimisha bandari hiyo kisha kuanzisha mamlaka ya kukusanya ushuru ili iweze kukubalika kisheria na kudhibiti mianya ya uvushaji wa bidhaa za magendo zinazoikosesha serikali mapato yake ya msingi.

Awali akilezea jinsi wananchi waliposhambuliana na jeshi la polisi na kusababisha gari la afisa wa polisi katika eneo hilo kuvunjwa vioo na makundi ya wananchi.