Ruge: Kuna viongozi katika serikali hii ni mabeki kazi yao ni kuzuia tu. - KULUNZI FIKRA

Thursday, 23 November 2017

Ruge: Kuna viongozi katika serikali hii ni mabeki kazi yao ni kuzuia tu.

 Hizi ni baadhi ya kauli ambazo Ruge Mutahaba amezitoa leo wakati akihojiwa kwenye kipindi cha Clouds 360 kuhusu tamasha la fiesta, katazo la RC kuhusu kukesha kwa miziki na pia amezungumzia tukio la janga la moto liliwapata kwenye ofisi zao zilizopo mikocheni siku 2 zilizopita.

"Na imani kila mtanzania atakuwepo Jumamosi kama sehemu ya kuweka historia, Sanaa ndiyo chakula chetu kwa yoyote atakayetugusa atakuwa amegusa mioyo yetu, acha tuimbe umasikini wetu na makanisani sanaa ni chakula cha roho,"amesema Ruge.

"Siku zote tukiamua kufanya jambo sisi Watanzania tuliweke kwenye Userious wa Makinikia ya Rais wetu Jonh Pombe Magufuli na Mamlaka zinatakiwa zijue kuwa kama tunakwenda kwenye kiwanda cha burudani Je tumejipanga," amesema Ruge.

"Kama tungekuwa na Viongozi mastriker leo angekuja na kushauri kwanini tusifanye Tamasha la Fiesta kwa siku mbili? Lakini tuna viongozi mabeki ambao pasi zao ni fupifupi za kujigongagonga tu na kuzuia mipira," amesema Ruge.

"Kuna viongozi mabeki hawa kazi yao ni kuzuia tu sababu wanafuata sheria zilizopo lakini kuna Viongozi mastriker hawa wapo radhi kuvunjika miguu lakini wafunge magoli," amesema Ruge.

"Moto umekuja wakati tupo katika mapambano ya kufanya show hadi asubuhi lakini yameshafanyika maamuzi ya kimamlalaka nasema hebu tuache tugeukie kwenye delivering ni tutawapa watu,"amesema Ruge.

"Tulikuwa tufanye show hata Parking, Solution tukazipata tufanye hapa. Moto uliotokea Clouds umeenda Moyoni umetupa hasira si ya kumuumiza mtu bali kuwa moto usiozimika katika kupambana," amesema Ruge.

No comments:

Post a Comment

Popular