Rais Magufuli kuhudhuria kuapishwa kwa Rais Kenyatta.

 Rais John Pombe Magufuli anatarajiwa kuungana na viongozi wa mataifa mbalimbali katika sherehe za kuapishwa kwa rais Uhuru Kenyatta wa Kenya kwa kipindi cha awamu ya pili.

Kwa mujibu wa taarifa ya serikali iliyosainiwa na Mkurugenzi wa Idara ya Habari-Maelezo na Msemaji Mkuu wa Serikali, Dkt. Hassan Abbasi imethibitisha ushiriki huo.

Kenyatta ataapishwa siku ya Jumanne, Novemba 28, 2017, jijini Nairobi, ikiwa ni baada ya kushinda uchaguzi wa marudio uliofanyika Oktoba 26, mwaka huu nchini humo baada ya kufutwa ule wa awali na mahakama ya Juu wa Agosti 8.