Katibu mkuu wa chadema: Kuna mpango wa kukamatwa kwa wabunge wetu.

 

 Katibu Mkuu wa CHADEMA Taifa, Dkt. Vicent Mashinji amefunguka na kuweka wazi  kwamba kuna mpango wa wa Wabunge wa chama chake kukamatwa.

Dkt. Mashinji ametumia ukurasa wake wa Twitter usiku wa kuamkia leo kutoa taarifa hiyo ambapo pia ameweka wazi kutokana na mipango hiyo Chama chao kipo imara kuhakikisha
wanafikia malengo katika uchaguzi unaoendelea.

"Kuna mpango wa kukamata wabunge walau 5 wakati huu wa kampeni. CDM ipo imara kuhakikisha inafikia malengo ya uchaguzi huu. Haki huleta Amani" alisema Dkt. Mashinji.

Aidha Jumapili ya mwisho wa wiki hii Mbunge wa Arusha Godbless Lema aliandika kwenye ukurasa wake wa Twitter kwamba "Mkakati umepangwa,nikamatwe na  na Jeshi la Polisi leo, (Siku ya Jumapili) maelekezo yamekwishatolewa . Tunaishi maisha magumu sana, hatuna budi kuvumilia" .