Dkt Kigwangalla: Wadau wametaka nimshauri Rais Magufuli aachie kidogo hali ni ngumu nimewambia tumuache akaze ili tukae sawa.

 "Tulipoenda kununua vitu mbalimbali kwa ajili ya kambi yetu kampeni za uchaguzi mdogo wa udiwani kata ya Nata. Hapo ni kwenye duka la kiongozi wa CHADEMA hapa Nzega ambapo tulikaa kupiga soga kidogo, Wadau wakaniambia 'mshauri mkuu aachie kidogo, hali ngumu sana bhana', nami nikawajibu tumuache akaze kidogo tukae sawa, tupate balance, vyuma vitalegea vyenyewe tukifika mahali pake" amesema Dkt Kigwangalla.

"Nikawaeleza kuwa na sisi tutaendelea kumsaidia kukaza mpaka tufike penyewe, tutaendelea kukaza vyuma tu mpaka tufike kwenye uchumi halisi na halali wa kila mmoja wetu," amesema Dkt Kigwangalla.

"Na kwamba kadri kazi inavyoendelea ndipo wananchi wanavyozidi kutuelewa na kutuunga mkono na ndivyo tutakavyozidi kuvuna wanachama na viongozi kutoka upinzani na kuvutia wapya zaidi wasio na vyama kujiunga na CCM," amesema Dkt Kigwangalla.