"Simlaumu Patrobas kwani mazingira yake ya kiutendaji tangu achaguliwe kuwa Mwenyekiti wa Vijana Taifa kwa kiasi fulani niliyafahamu kwa sababu mimi nilikuwa ni Afisa Utawala kwa miaka miwili tangu achaguliwe," amesema Benson Mramba.
"Patrobas hakuwa treated in the way he deserved. Hakuheshimiwa alivyostahili na kwa hadhi yake. Sio yeye tu. Namna Freeman Mbowe, mwenyekiti wa chama hicho taifa, anavyoiendesha Chadema ni kimtandao kama nilivyowahi kusema awali," amesema Benson Mramba.
Mbowe anaongoza chama akishirikiana na watu watatu tu ambao ni John Mrema, Reginald Munis na Godbless Lema. Viongozi wengine katika mfumo wa chama ni alama tu ya kuwaonyesha wananchi wa Tanzania na after all wamependekezwa na hiki kikundi cha watu watatu.
Kikundi hiki hakiguswi wala hakikosei na ni mfano wa genge ndani ya Chadema. Mahawara wao na vijana wanaowaheshimu hawa ndio wenye fursa kwa sasa ndani ya chama na ndio ambao wanatarajia kupata fursa endapo zitajitokeza.
Kwa aina hii ya uongozi ndio inayomfanya Mbowe kutengwa au kuwatenga viongozi wenzake kwani huwa hawashirikishi jambo lolote wanakaa hawajui nini kinaendelea wala hawawezi kumshauri kwa lolote.
Kwa utaratibu huu, makamu wenyeviti wote wa Mbowe na manaibu makatibu wakuu wake wamekuwa wakishindwa kufanya nae kazi.
Marehemu Chacha Wangwe alishindwa, Said Arfi alishindwa, Zitto Kabwe alishindwa, Dkt Slaa kashindwa na hata sasa Prof. Abdallah Safari kashashindwa na John Mnyika anajikaza kisabuni.
Inasemekana Prof Safari ameshajiuzulu mara kadhaa lakini wanampigia magoti asitangaze. Mbowe amejitahidi kuwalipa mshahara mikubwa wasaidizi wake hao lakini hawapangii kazi yoyote jambo ambalo ni ufujaji wa mali za chama na matumizi mabaya ya madaraka.
Kamati Kuu ya chama kwa sasa imejaa wasaka fursa, watu waoga na walamba nyayo na hawa wote ni matunda ya kikundi hiki.
Baraza kuu la chama limejaa watu waliokata tamaa na wasioheshimiwa kwa sababu wengi wameteuliwa na kikundi hiki katika programu inayoitwa, “CHADEMA NI MSINGI.”
Mathalani katika kikao cha baraza kuu lililofanyika Mwanza, John Mrema, Reginald Munis na Salum Mwalimu walituhumiwa kula rushwa ya ngono na fedha na ushahidi ukatolewa na Mchungaji Peter Msigwa na Joseph Mbilinyi (Sugu) maazimio yakafikiwa.
Lakini kwa kuwa Mbowe amewalinda watu wake akawateua kuwa wakurugenzi akawaongeza na mishahara mikubwa sana mara mbili ya ile ya awali, yaani kutoka Sh. 1.5 milioni mpaka Sh. 3 milioni.
Msigwa na Sugu nao wakapozwa kwa kupewa ujumbe wa kamati kuu wametulia mpaka leo.
Kwa sasa kikundi hiki cha watu wanne kinafanya kazi maalum ya kumdhibiti Tundu Lissu na Edward Lowassa na wenzake kutoka CCM wasipate fursa yoyote ndani ya chama kwa sababu kuu mbili: Moja, Mbowe bado anataka kuwa mwenyekiti wa chama na anataka kugombea urais mwaka 2020.
Katika muktadha huo huo, Masha ameshtuka mapema wengine watamfuata soon. Mbowe amerejista deni la bilioni saba na mali nyingine za chama kama hatua za kujiandaa na mbio hizo za urais.
Reginald Munis pia alikuwa ndio Meneja wa Billicanas kabla haijafungwa na wakati huo huo mpaka sasa ni Mkuu wa Idara ya Oganaizesheni, Uchaguzi na Wanachama.
John Mrema ni Mkurugenzi wa Uenezi, Itikadi na Mambo ya Nje. Lema ni Mbunge ila pia yuko kwenye ulinzi na intelijensia.
Kwa wanaojua siasa idara za wanakikundi hao ndio zimeshika chama chochote cha siasa. Vicenti Mashinji he is just a signatory hana analoweza kufanya wala kupanga.
WanaChadema hangaikeni na mambo ya ndani ya chama kwa sasa huku nje kwenye maswala ya nchi Magufuli anafanya yanayotakiwa na watanzania walio wengi wakiwemo wanachadema.
Mwandishi wa waraka huu, Benson Mramba alikuwa Afisa Utawala wa Chadema wakati wa utawala wa Dk. Willibroad Slaa na baadaye katibu mkuu wa sasa, Vicenti Mashinji. Alifutwa kazi takribani miezi sita iliyopita kutokana na kilichoitwa, “Chama kubana matumizi.”
No comments:
Post a Comment