Anna: Mghwira: ACT-wazalendo walinisaliti na kunitema waziwazi, siwezi kuwang'ang'ania zaidi.

 

 Aliyekuwa mwenyekiti wa ACT Wazalendo Mama Anna Mghwira ambaye pia ni Mkuu wa Mkoa wa Kilimanjaro, amesema yeye kuhamia CCM ni suala la muda tu. Adai 'kusalitiwa' na chama chake cha ACT.

"Mimi nlipoteuliwa kuwa Mkuu wa mkoa, sikupewa Masharti ya kuhama chama, lakini nlivyoteuliwa tu, chama changu hakikutaka mashauriano na mimi, kikanitema lakini yeye hakunitema. Siwezi kung'ang'ania watu walionitema waziwazi mbele ya Wanahabari wakati yupo mtu ambaye hajanitema," alisema mama Anna Mghwira.

"Kama nikiamua siku moja nijiunge CCM au nibaki ACT hilo sio Swala. Tatizo ambalo ninalo mimi binafsi kama mtu ni kwamba, nlipoteuliwa kwenye nafasi hii chama changu kama vile kikaniasi kikanitema lakini yeye hakunitema. Sina sababu ya kumuacha mtu ambaye hakunitema na kwenda Na mtu ambaye kanitema Waziwazi wakati tulikuwa na Makubaliano kuwa na Mazungumzo ili tuangalie shughuli zetu zitakwendaje" amesema  mama Anna Mghwira.

Mama ameongeza na kusema "Uteuzi haukutupa sharti la kuachana na chama. Kwa sasa mimi nipo huru na ninafanya kazi zangu kwa uhuru. Inatosha kwa mimi kubakia hivi nlivyo," alisema mama Anna Mghwira.