Niyonzima, Luizio na Kapombe kuikosa Mwadui

 Kikosi cha Simba kimeendelea na mazoezi kwenye Uwanja wa Uhuru jijini Dar es Salaam kikijiwinda na mchezo wa tatu wa ligi kuu dhidi ya wachimba almas wa Mwadui kutoka shinyanga mechi itakayopigwa dimba la Uhuru jijini Dar es Salaam siku ya Jumapili.

Kocha msaidizi wa klabu hiyo mganda Jackson Mayanja anazungumzia kuelekea mchezo huo ambapo pia atakosa huduma ya nyota wake watatu kwa matatizo mbalimbali ya kiafya.

Wachezaji ambao watakosekana ni pamoja na kiungo fundi Mnyarwanda Haruna Hakizimana Fadhil Nyionzima, mshambuliaji Juma Luizio ambao wanasumbuliwa ugonjwa wa Malaria pamoja na beki kiraka Shomari Kapombe ambaye anamajeruhi ya muda mrefu ya nyonga na kifundo cha mguu.